Eleko ya Karezimo

Mokolo mwa mputulu

***************

Bandeko, lelo tobandi eleko ya Karezimo. Tokozwa elembo ya mputulu mpo ya kolakisa 'te toboyi masumu. Tolingi mpe kolakisa Nzambe 'te toyoki motema mawa mpo ya mabe tosali.

Nzembo: Masumu ma ngai olimbisa , yo Nzambe nta bolamu

Tosambela:

E Mokonzi, osalisa biso  tosantisa mokolo mwa lelo, tobanda eleko ya Karezimo malamu. Tolendisa mitema na bomipimi biloko mpo tokoka kobunda etumba na mabe manso.

Litangi lya Yambo: Liloba lya Nzambe lokola profeta Joel akomi (2, 12-13.16-18)

Litangi lya Ibale: Mokanda mwa santu Polo ona bakristu ba Korinti (5,20-6,2)

Nsango elamu lokola santu Mateo akomi (6,1-6.16.18)

Bobenisi Mputulu

Mokonzi Nzambe wa biso, okolimbisaka bato bakomikitisa o miso ma yo mpe bandimi kobongisa mabe basali. Ondima losambo la biso: benisa + basaleli ba yo bakozwa mputulu lelo, mpo 'te batosa mibeko mya Karezimo, bongo mitema mya bango mipetwama; bakoka kosepela Eyenga ya Pasika, mokolo tokokundola nsekwa ya Mwana wa Yo, azali na nkembo elongo na Yo mpe na Elimo santu o bileko binso seko.

Bopakoli mputulu:

- Bongola motema mpe ndima Nsango Elamu ya Kristu

To:

- Ndeko, kanisa 'te ozali mabele mpe okozonga o mabele

Eleko elamu ya Karezimo na bino banso