Ascension du Seigneur

MBUTA YA YEZU O LIKOLO

********************

Nzembo: Yezu Kristu lelo, azongi o mboka Nzambe Tata; atikeli biso mosala.

Bandeko, ata tokoki komona Yezu sikawa na miso te, toyebi 'te azali na bomoi. Azwi lokumu o mboka Tata Nzambe oyo atii ye Mokonzi wa nse mobimba. Tala likambo tokokanisa lelo o eyenga ya Mbuta ya ye o likolo.

Litangi lya Yambo: Liloba lya Nzambe lokola likomami o buku ya Bikela bya Bapostolo (1, 1-11)

Litangi lya Ibale: Mokanda mwa santu Polo na Bakristu ba Efeze (1,17-23)

Nsango Elamu lokola santu Mateo akomi ( 28, 16-20).

Losambo nsima ya Komunyo:

E Nzambe Tata, okokabelaka biso bato ba nse eye bilei bya likolo; lendisa o mitema mya biso mposa ya kozala elongo na Yezu, oyo azali sikawa o mboka yo. Tokobondela bongo...