Lomingo la Inei o Mobu
******************
Bandeko, Yezu Kristu ayeli bato bafandaki o molili mwinda mwa solo mokolakisa bango nzela ya libiki.
E Mokonzi Nzambe,
ozongisi bato ba bikolo binso o bondeko bwa yo na liwa mpe nsekwa ya Mwana wa yo; Okolisa boyambi bwa bana ba libota lya yo mpo 'te basepela eyenga ya Pasika na bolingi bonene.
Tokobondela bongo...
Litangi lya Yambo:
Liloba lya Nzambe lokola likomami o buku ya yambo ya Samuel
"Nzambe alobi na Samuel: naboyi Saul, akoki kozala Mokonzi wa Israel lisusu te. Kamata liseke lya ngombe, tindisa lyango na mafuta mpe kende epayi ya Yese o Beteleme, zambi o ntei ya bana ba ye naponi mwana moko azala mokonzi..."
Litangi lya Ibale:
Mokanda mwa santu Polo na bakristu ba Efeze
Bandeko, kala bozalaki o molili, kasi sikawa bosangani na Mokonzi, bokomi kongenge lokola mwinda (...).Lamuka, yo moto olali mpongi, sekwa o kati ya bawa mpe mwinda mwa Kristu mokongengele yo".
Nsango Elamu lokola santu Yoane akomi
O nzela Yezu amoni moto moko abotama na lolanda. Yezu abwaki nsoi o mabele, asali na yango potopoto mpe apakoli yango o miso ma moto ona; alobi na ye: " kende komisukola o liziba lya Siloe, lokola 'te Motindami." Moto wa lolanda akei mpe amisukoli. Ntango azongi akomi komona malamu..."
Aucun commentaire:
Enregistrer un commentaire