Lomingo la 32 o Mobu
*************
Bomilengele malamu zambi boyebi mokolo te,
boyebi mpe ngonga te !
 |
| Le père Matthieu Mpampanye préside la messe dans la cathédrale d'Inongo (Photo archive) |
Moto akotiya motema se na Nzambe azali lokola mosali molamu azali kokengele ntango nkolo wa ye akozonga. Soki Kristu akokuta biso bongo, akoyamba biso o bokonzi bwa esengo ya seko.
Litangi lya yambo: Liloba lya Nzambe lokola likomami o buku ya Bwanya (6,12-16)
Litangi lya Ibale: Mokanda mwa yambo mwa santu Polo ona Bakristu ba Tesaloniki ( 4,13-18)
Nsango Elamu lokola santu Mateo akomi (25,1-13)
 |
| L'abbé Christian Ngazain proclame la parole de Dieu |
Yezu alobi na bayekoli moulani moye: " O Bokonzi bwa likolo ekozala lokola na bilenge basi zomi, bakei na miinda mya bango kokutana na mobali oyo akobala.
 |
| O Bokonzi bwa likolo ekozala lokola na bilenge basi zomi, bakei na miinda mya bango kokutana na mobali oyo akobala. |
O ntei ya bango batano bazalaki bazoba, batano bazalaki na mayele. Bazoba bakamati miinda mya bango, kasi bamemi mafuta te. Baye ba mayele bakamati miinda mya bango na mpe mafuta o milangi. Awa mobali awumeli, mpongi ekangi bango banso mpe balali. Kasi o kati ya butu moto moko agangi: " Bolongani ayei! Bokende kokutana na ye!" Bongo bilenge basi zomi balongwe o mpongi mpe babongisi miinda mya bango. Bazoba balobi na baye ba mayele: Bopesa biso mwa mafuta, zambi miinda mya biso mizali kozima. Kasi bango bazongisi: Te, mafuta makokoka na biso mpe na bino te; bino moko bosomba epayi bakotekeke mafuta.
 |
| O ntei ya bango batano bazalaki na mayele |
Awa bakei kosomba, mobali akomi. Baye bazalaki kozila ye bakoti na ye o ndako ya limpati, mpe bakangi ezibeli. Na nsima bilenge basi basusu mpe bayei, balobi: " Mokonzi, mokonzi, fungolela biso ndako!". Kasi azongisi " Nalobi na bino ya solo, nayebi bino te!"
Bongo bokengeleke, zambi boyebi ata mokolo ata ngonga te."
Lokumu na yo, Kristu!
Aucun commentaire:
Enregistrer un commentaire